قصيدة للشاعرة والكاتبة الصاعدة تحت عنوان :”دفلة جنب لغرس “
– اميمة بولحديد –
(((( دفلة جنب لغرس ))))
……………………
هتف بكسعة دفلة
نويها صداقة تتلف
هتف بيها دفلة
خرجات حوامضها زريعة
طلعات فحضان لغفلة
طلعات نوات تطلق
مروريتها بنة
جيت انا نبتة حرة
طالبة مبات فدف
شكون شافني
وانا من قنات لبلدان
نظل نتف
نتفت من كل عرش نكتة
نسلي بيها مجاج الحياة
تولدات عجاجة
عمات النكتة
ومجاجي خان لحياة
بدم سارد
حياتو زاجة
حر طريقي عاد خلا
وصياح رملة
عكازي دفناتو صحرا
اشداني لخطيف
نخطف ورقة فلخريف
نبيتها ريشة فصيف
جيت نبتة بكدامي
وهانا غادا ناقصة حاجة
دوزت يوم وليلة
فقبة سماها نجمة
طالبة من هاديني الرجا
يكسي ضلوعي بتخمام
نلقا ليا خرجة
طلع زهري من الضو
نتفت من نبتة لفهامة حكمة
عفط من بلاد لحكام
لبلاد سلالة بيضا
وعبادها حاملين ورده
تقلبات ل ربة
عل لعقل
عمت بماه صدا
شي مامت
غير خرجاتلي لحكمة بكمة
قنعت من حدودية لعقل
وحداتها ليا دفلة
قصتها قصة
ودواخلها عفطة زحلة
زادني ظمع لوردة فضول
كلت نزيد
فوق خيالي عفطة
نلقا بلاد
شميسة شهبة
ساعة خرجاتلي رقاصة دفلة
تف
من الطريق لجاهلة لخلاتني
شاد الصف
عل صداقة
تف
من السعد لمكوي
لدار بيا دورت لعما بنهار
قصدت ضو
جيت مغطة فلحفرة
عادت صداقتي انا
بطعيمة بلولها دفلة
عل سلامتي من تغسيلة بدفال
بدفال عمرو طاح فلعدو
هداك لسان
داو وجابو فلكلام
وعمر و طلع متلة
دفال معمر سوق لقصارى عيطة
ضاع لمال
ولا بغا هو يتمحا
مرورية عادت هبال
وقصارت تجوالي ختمتها بنواح
اش هاد لحال
ولاش عقلي يصلاح
سبولة عليا علات
فكتفي هزيت شجرة
موسم زيارة بادي
تفاح
دلاح
بدات الدفلة تحلا
من لبدية حشمات
رجعات لسيفتها
كيف الضرة
غطست فبلاد لوحلة
ايامي نردها بلمرار
المعدة تشير للقلب
والنفس مبغات تهدا
غرست لورد كيف ديك القبيلة
طلعليا الشوك بحر
انا الشبكة
وسفينتي عامرة بلغلا
غرست صكوعيتي فرمل
جاني لبرقوق
بطابع صكوعية
بصمة كحلة
كليت منو لعظم
وخليت لبها يكرم
غرست همي
فبرد ريحو سم
طلعات رزت لقاضي
وكاتلي هاك حكم
غرست حروفي بلخوف
طلعات لي بلاكا حمرا
السرقة فالدم
بصنطيحا
عند خيالها راها تفهم
فوت خيالك
وخلي موسم لقتيلة
اسرح الدم
عاد نهضم حروفي
زرعي بدا يخفاف
وعروقي عادت صفرا
زرعت من خضوريتها احلام
طلعات ليا خربة
ضربة من عند عقلي
دوات عقلي من الصدا
زرعت لحب
فسما زرقة
بفراش دوا
قيسها بنية تبرا
طلعاتلي غابة بشياط
وكل نبتة مقتولة
شميت منها لحراق
غرسي داب
والدفلة طلعات دونات كتاب
لأرض مزال خاصها السقا
هزيت مقالي طالبة التغيير
بحبي لريحت لبلاد
والكرهي لدفلة
غرست فحضان كتابي
فعقلي تفكير
وفروحي الف نبرة
شديت صداقة كانت
وعادت حق
ورقة فيها خدمة
شديت جبال
زرعت طريقها بلخير
قتلت لبعد
ودوزت لما
لقرايا فكل ضوار
وبنات شانها يعلا
ضو شعل فبيوت ظلمة
عادو يحسوا بالنعمة
شباب شديتهم باليد
فن فيد الثقافة
هاكا نديرو خطوة
مول الشيب
يدعي بالرضا
عل كبدة طابت دخان
سكنتو فقصر رضايا
حلمي نشوف ديك الضحكة
ياه
ياه
طلعات الوردة
امتا تمشي الدفلة
مذاقها بدا يفنا
جيلي جيل الأمال صافي سلات لهدرة
بدا التطبيق
حيدو
من طريقي دفلة