“نور الدين دياب” يكتب عن طاهرة التباهي بالدرجات النارية !!

المغربية المستقلة  : بقلم نورالدين دياب

الله يهديكم اخوتنا و صحابنا وجيرنا وولادنا .. الدراجات النارية راها دارت لتنقل ..تصنعات للهروب من الازدحام المروري ..خرجات للفئات الفقيرة باش تتهنا من غلاء مصاريف وسائل النقل ..

الدرجات النارية ماشي للتباهي او حب الظهوور ..كلنا شباب و كنقلبو لفرض راسنا و ضهوور وسط المجتمع لكن ماشي على حساب صحتنا و ارواحنا ..ودمووع اهالينا ..

الله يهديكم راه عيينا من كل نهار نزورو واحد فالمستشفى وولا ندفنو واحد ..عشرات من شباب المنطقة فقدناهم فالسنين الاخيرة فحوادث قاتلة بسبب السرعة و التهور .. باركة علينا من هاد المئاسي ..فكرو فاهاليكم فكرو فامهاتكم لي كتحرقو عينيهم بدموووع ..

والله العظييم لو نعرفو حجم حب اهالينا لينا و الاحزان لي كنديرو ليهم بسبب تهورنا وسرعتنا منتصرفو هاديك تصرفات صبيانية .. يهديكم الله على انفسكم ودويكم ..

عندك دراجة نارية مكاين لاش السرعة مكاين لاش تقب الشاكمة وتدي دعاوي الشيووخ و النساء المريضة فلفراش و الاطفال لي كتفيقهم من نعاس بصوتها المزعج .. عندك دراجة نارية خليها لتنقل وتقضي بيها غرضك و تمشي تقرا بيها و تسخر بيها و تديي بيها الاجر كثر من انك تدمر بييها نفسك ..

سمحو ليا لكن والله مكنبغييو الخايب لبنادم .. ربي يرحم الي ماتو و ربي يشافي الي دارو حوادث و الله يصبر اهالييهم و يحسن عوانهم