قالوا ناس زمان …..أمثال مغربية

المغربية المستقلة  : متابعة مولاي محمد الشفاعي

زغرتي يا موكة بلارج دار العرس
باش كبرتي ابلارج تاجاك الجراد
كون كان الخوخ يداوي كون داوا راسو
الحر بالغمزة والعبد بالدبزة
الطريق تلاقي العدو مع الصديق
اتبع حرفة بوك لايغلبوك
الطلاب يطلب ومرتو تصدق
جا يكحلها عماها
اللي ما عندو الفلوس كلامو مسوس.
بغى يهز الدجاج ما لقى غا العجاج.
تكايس على حمارك تحش عليه.
اللي فاتك خليه لبناتك.
اللي فاتك بليلة فاتك بحيلة.
الله ينجيك من المشتاق يلى ذاق ومن الناعس يلى فاق.
دوز على الواد الهرهوري ولا دوز على الواد السكوتي.
مول التاج يحتاج.
اخدم يا التاعس بسعد الناعس.
اللي كيربي ولاد الناس بحال اللي كيدق الما فالمهراز.
نوضوها تشطح دارتها بصح.
أتاي العشية خير من بقرة مشوية.
اللي ما عندو هم كتولدو ليه حمارتو.
يد في الطبق وعين على من زهق.
تعلمو الحجامة ف.روس ليتامى .
جبنا القرع يونسنا عرى راسو وهوسنا.
دابزو يا الفيران على خميرة الجيران.
راك لبس سلهام وعمامة وانت قليل الفهامة
الشابة زينة وماعرفاش لعجينة
الزين في بناتنا سلالة من العمة للخالة.
امدح صاحبك مع الناس ولومو الراس ف الراس.
لو كانت الصفيحة ترد العار، لو كانت رداتو على الحمار.
تفكر حبيبك وهواه، تفكر فعايلو ونساه.
العشق المزروب، كله عيوب.
ما كينسي البنت في امها غير همها.
الهم المنحوس, خليتو ف دار با ، لقيتو فدار العروس.
اللَّهُمَّ بْخُّوشَه وْتْونّس وَلاَ يَاقُوتَه وْتْهَوَّسْ.
دِيرْ عِينْ شَافَتْ وَعِينْ مَا شِافْتْ.
اللِّي كَيْعَمْلُه إبْلِيسْ في عَام, تْعْمله العْكُوزَة فْ سَاعهْ.
اقرا قرايتك أشوف قدامك، حيث إلى شتي اللور طيح.
.قلب البرمة على فمها, تطلع البنت لمها.
الله يرحم من زار وخف.
الي وصل بلاد غير بلادو خلى الهم لولادو.
الفقيه دحمان, قرا البرة سبع ايام, وقاليهم الخط عيان.
مية تخميمة وتخميمة ولا ضربة بمقص.
اللي ما جا بالمحبة مايجي بالحزارة.
ضربني وبكى سبقني وشكى.
الدجاجة غسلات رجليها نسات ماداز عليها.
إلى مشى الزين ابقاو حروفو.
اللي دارها بديه افكها بسنيه.
ما قدو الفيل, زادوه فيلة.
ما تيحس بالمزود غير اللي مضروب به.
لا ديالي بقا ولا وجهي تنقى.
جا ايعاونو ف قبر باه, هرب لو بالفأس.
شوف بيتو, وخطب بنتو.
اللي بغا يدفع البلا يتوضأ للصلاة.
هاك وارا, ما فيها حزارة.
ما تقطع الواد حتى تبان حجارو، وما تمشي في الليل حتى يطلع نهارو، وما تصحب صديق حتى تعرف خبارو.
اللي قال ليك العرس ساهل يسقي ماه.
حتى قط ما تيهرب من دار العرس.
أجي يا امي نوريك دار خوالي.
اللي خلى غذاه لعشاه، ربي اغناه.
الناس في الناس والقرع في مشيط الراس.
إلى اعطاك العاطي، ما تحرث ما تواطي حتى الجبال تطاطي.
طاحت الصومعة، علقو الحجام.
أنا في الهم كنادي وهو ف تقلاع وتادي.
وريه وريه, وإلى عمى سير وخليه.
اللي بغى العسل يصبر لقريص النحل.
السفيه تينطق غبر باللي فيه.
النملة إلى بغى يعذبها الله, تيدار ليها جانحين
اللي جا على المناول سدة, واللي جا على الغذا تغذى.
المندبة كبيرة والميت فار.
اللي قال العصيدة باردة, ادير يدو فيها.
كلسني كلسة خوك وحاسبني حساب عدوك.
عيات أم الحمق ما تعض ف شاربها, قاليها من جهتي غير قطعيه.
علاش عطيتي ميتين يعطي لباك كيتين, لا خد حمر لا سوالف ملوية.
لالة زينة وزادها نور الحمام.
يبيع القرد ويضحك على اللي شراه.
ما حد ليتيمة تبكي, وربي تيزيدها.
اللي بغى الزين, يصبر ثقيب لوذنين.
ما عند القرعة ما تصوب من غير مشيط راسها.
كون تصحابها تكتاب, من دق الباب.
شكارة العروسة مها, وخالتها والحزارة جارتها.
عطاونا ثلث كواش, منهم الغطا والفراش.
الشوف ما يبرد الجوف, والناقة ما ترضع الخروف.
الحرفة إلى ما غنات تستر, أو واقيلا تزيد ف العمر.
اللي ما تيخيط كساتو,وما يطيب غذاتو,وما يحلب شاتو موتو حسن من حياتو.
المعروض ف نهارو, يبقى فدارو.
الهضرة عليك أ لحادر عينيك.
إلى مات البو توسد الركبة, إلى مات الأم توسد العتبة.
إلى طلقتي المرا, ما توريها دار باها.
لا تسرج حتى تلجم واعقد عقدة صحيحة, ولا تكلم حتى تخمم لا تعود عليك فضيحة.
الزين بحروفو؛ ديه لمو تشوفو, القرع بفلوسو؛ أرا داك الراس نبوسو.
حماتي لالتي وبنتها مولاتي.
حماتي وجه الدلو, هي حارة وولدها حلو.
كثرة عطيني ما تخلي حد يبغيني.
اخدم يا صغري كبري.
اخدم بكري ولا روح تكري.
خبز الدار ياكلو البراني.
دوام الحال من المحال.
الدنيا دراعة كل واحد كيلبسها ساعة.
نوصيك يا واكل الخوخ من عشرة رد بالك , في النهار تظل منفوخ وبالليل تبات هالك.
الزين, لا زين الفعل .
وجه الشارفة ما يخفى, ولو تحكو بالحلفة.
اللي مدت يدها للحنة, تمدها كلها.
حل عينيك قبل الزواج, أما بعدو غير غمضهوم.
أش خاصك العريان ، خاتم آمولاي.
الشطابا عروسة والجفاف أنفيسة.
زواج ليلة تدبيره عام.
تا تطلب الزيت من السفناج.
الفقيه اللي نتسناو براكته ادخل الجامع ببلغتو .
اربط احمارك مع الحمير، يتعلم الشهيق والنهيق وخرجان الطريق.
إيلا ارخص الشعير اغلات الحمير.
الحمار مخبي ووذنيه برّا.
يتعلمو الحسانه في روس اليتامه.
طاجين الشمايت، النصبا وقلة ليدام.
احمر يا المشكورة، دبحو الجرو وصلاو على الهيدورة.
لحوانت متصافه والارزاق مختلفة .
باش تاكل الشوك أ عمي الجمل, باللسان لحلو.
لعروسه فوق الكرسي معرفتي فين ترسي.
لوجه المشروك عمر ما يتنقى.
الجديد له جدة والبالي لا تفرط فيه.
دير ما دار جارك ولا حول باب دارك.
الدوام يثقب الرخام.
الخُبْز والمَا مَا تْخَلِّي عَلَى القَلْبْ غمَّه.
دارنا ساترة عوارنا.
اللي عضو الحنش كيخاف من الحبل.
ختار الجار قبل الدار.
اللي قال ليك قال عليك.
على قد لحافك مد رجليك.
عين بنادم مايعمرها غي التراب.
سال المجرب ماتسال الطبيب.
ما يحكك أ ظهري غير ظفرك .
عشرة يهود ، على قنفود .
اللي مشى بلا عراضة يجلس بلا فراش.
لمكسي بديال الناس ، عريان .
لي غواك رخصو في السوق تخلي نصو.
إلا مشيتى معروض دي معاك عمود.
نهار حتاجيتك اوجهي قمشوك لمشاش
سيدي زين وزادتو لعين
اش عرف الحمير في سكينجبير
علمناك السعاية، سبقتينا البيبان الكبار
الناس مع الناس أو المش معا الكرداس
شكون داها فيك أ باداز نهار العيد
قال ليه شمتك .قال ليه عرفتك
لي فاتو الطعام يقول شبعت أو لي فاتو الكلام يقول سمعت
قطرة قطرة كيحمل الواد
دقة دقة راه لي زربو ماتو
معامن شفتك معامن شبهتك
خدام أصغري لكبري
لقرد شارف ما كيترباش
أش خصك العريان خاتم أمولاي
ليوم ليك أو غدا عليك
الحافر حفار أو لا تغرق راه لي حفر شي حفرة كيطيح فيها
كثرة الضحك يخسر البيع
الاولى ليك أو الثانية درتيها بيديك
قطعتي الواد و نشفو رجليك
الضحك بلا وقت مخسر مولاتو
أنا وخويا على ولد عمي وأنا وولد عمي على البراني
لي تكريه شريه لي ترهنوا بيعو ولي تخدمو طيعو
تبت أو خلي الزرع ينبت
ما تدير خير ما يطرأ باس
دير الخير ما يطرا باس.
لي دار لك الخير دير لو الخير ولي دار لك الشر دير لو الخير حتى يغلب خيرك شرو
لعين بالعين أو السن بالسن أو ليد بالقطيع
فاش كيحضر الما كيترفع التيموم
حرك الما يبان لعطشان
العيطة حامية و الميت فار
المندبة كبيرة والميت فار.
لمكسي بحوايج الناس عريان
جوعي ف كرشي وعنايتي ف راسي
إلى شبعات البازا خلي البرد إصوط
يلى شبعت الكرش تقول للرأس غني
لي فيه الفز كيقفز
فالحزة تيبانو الرجال
الصاحب صاحب حاجتو
لي ما دار برأي كبيرو الهم تدبيرو
صطولا الخاويين ديما كيقرقب
راراه أو لغوت وراه
فران و قاد بحومة
مادرت عيب ما خطيت صواب
الضربة لي ما تقتل تقويك
الزيادة من راس الحمق
لي مشا للبيع عول على الربح أو الخسارة
اللهم حرفة اليدين ولا مال الجدين
الحنا حرشة أو لحنايا عمشة أولعروسة فيها بو تفتاف
شكون داها فيك العدس نهار العرس
طلع تاكل الكرموس هبط شكون كالها ليك
ليما عندو سيدو عندو لاله
كايعطي الله الفول غير لي ماعندو ضراس
الحياة نوعان النوع الاول يغير الحياة والنوع الاخر يتغير مع الاوقات
دخلناه يشرب اللبن شرك معانا الغنم
شكون داها فيك العصيدة نهار العيد
الهبيلة بنت الهبيل ، تجيها الحداگة غير بالليل.
حرك الماء يبان العطشان.
الفياق بكري بالذهب مشري.
شاط الخير على زعير
كون كان الخوخ يداوي كون داوَ راسو
تبع الكذاب حتى لباب الدار
رضيت بالهم ما رضا بيا، حطيتو عند راسي أصبح عند رجليَّ .
جوع كلبك يتبعك.
الهضرة للسارية والمعنى للجارية.
اللي ضرقك بخيط ضرقو بحيط.
اللي تطيبو المعفونة ياكلو رجلها.
الي دار راسوا ف النخالة ينقبو الدجاج.
مابعيدة غير تادلة اما سبع حمير موجودة.
لي ضروا راسوا, يعاود راسوا.
الكلب إلى ما نبح ما عند مولاه فيه ربح.
حزموني ورزموني ولا تعولو علي.
إلى تقادو لكتاف يعود الكبير يخاف.
كل قرد في عين مو غزال.
الرجل بالهمة أما اللحية راها حتى عند العتروس.
العتبة مجرودة والركاني بالدودة.
لو كان الحمام تيبَيَّض كون بَيَّض قبابو.
الزين تيحشم على زينو والخايب الا هداه الله.
اللي تسحر مع دراري يصبح فاطر.
عمر الشيخة تنسى هزة الكتاف
لاتكبر شان لبوجعران.
حتى زين ماخطاتو لولة.
لي دار راسو سور كينقزو فوقو الدراري
الناس بالناس و القرع ف مشيط الراس
كثرة الهم كضحك
يوم ليك و يوم عليك .
ما حَدْهَا تْقَاقِي وهي تْزِيد في البيض.
الرزق قليل وطاحت فيه ذبانة.
هْبيلة وقالوا ليها زغردي.
اللهم قليل ومداوم ولا كثير ومقطوع.
البس قدك يواتيك.
گزار ومعشي باللفت.
حالها ويدوح.
عز الخيل مرابطها.
ما جات بشطيح ما جات برديح، جات غير بالسعد المليح.
عندو الزهر يهرس الحجر.
إلى ما قتلت تسمم
الماكلة بلا ماء من قلة الفهامة.
الا شبعات الكرش كتقول الراس غني.
جوعي ف كرشي اوعنايتي ف راسي.
ما تصاحب حتى تجرب او ما تحرث حتى تزرب او ما تضرب حتى تقرب.