الناشط الحقوقي “لحسن أوبلا” خرج ليها نيشان: كفى من تلفيق التهم الزائفة !

المغربية المستقلة : بقلم لحسن أوبلا

كيف لعاقل أن يصدق أن “فاعلة سياسية” متورطة في اختفاء و/أو سرقة التجهيزات الطبية (قنينات الأوكسجين) الخاصة بالمركز الاستشفائي الجهوي لكلميم ؟! اشمن علاقة أصلا عند المنتخب بمؤسسة المستشفى ؟! راه ماشي أي واحد مع بلفقيه خصنا نضربوه حيث مابغينا بلفقيه..أو أي واحد كاين مع بوعيدة خصنا نضربوه حيث مبغينا بوعيدة..بلفقيه وبوعيدة راه جابتهم صناديق الاقتراع ماشي جاو من دولة إفريقية أو أوروبية..وكل واحد فيهم عندو قاعدة شعبية ديالو..مع وجود اختلاف/فرق في حجم القاعدة الشعبية ! وهادشي ماشي أنا لي قلتو وإنما صناديق الاقتراع لي قالتو..من الغير المعقول أن ندبر اختلافاتنا السياسية بالعنف والتهم الزائفة والشائعات الكاذبة والباطلة..
ملاحظة : المستشارة المعنية لا أكلمها ولست بحاجة ل/إلى كلامها ! باش مايقول البعض أني كندافع عليها ، بل أكثر من ذلك عندي منها موقف !! ولكن ليس من الحكمة والأخلاق نتهجمو على الإنسان ونديرو عليه التهم والشائعات فقط لأننا كنختالو معه..وحتى إن صح أو ثبت أنه فعلا التجهيزات الخاصة بالمستشفى تعرضت للسرقة راه المسؤول الأول هو مدير المستشفى والمسؤول على التجهيزات وحراس الأمن الخاص…